"عمل إيه في الدنيا عشان تفضل سيرته عاملة كده؟"..مريم عامر منيب عن ذهولها على تأثير أعماله في حياة الناس

أحمد جودة - القاهرة - كشفت مريم عامر منيب، ابنة الفنان الراحل عامر منيب، خلال إحدي اللقاءات لها عن ذهولها على تأثير أعماله وإرثه في حياة الناس.

وقالت مريم منيب: «أكتر حاجة بسمعها هو باباكي عمل إيه في الدنيا عشان تفضل سيرته عاملة كده؟.. وبصراحة أنا اللي محتاجة أسأل السؤال ده».

مريم عامر منيب تكشف عن موقف إنساني لوالدها

وتابعت: «كنت في فرح من 4 سنين بعربية بابا، ولقيت عسكري في الجراج، سألني: دي عربية عامر منيب؟ وبعدها بدأ يعيط، وحكى لي إنه من 15 سنة كان بابا بيغني في نفس الأوتيل وشافه قاعد لوحده، فسأله: مالك؟ حد مضايقك؟، ولما عرف منه إن والدته في المستشفى، بابا روح وبعد ساعتين رجع له بمبلغ كبير وساعده، ووالدته خفت ولسه عايشة».

وأضافت: «العسكري قالي إنه مامته بكت على بابا أكثر ما بكت على جوزها، وأنا كمان عيطت وقتها من الموقف ده».