الرياض - كتبت رنا صلاح - كتير مننا بيستحملوا التبول لما يكونوا مشغولين سواء في الشغل او برا البيت وبيفكروا ان الموضوع عادي ومش هيضر لكن الحقيقة ان العادة دي ممكن تسبب مشاكل صحية اكتر مما تتخيلي خصوصا لو بتكرريها بشكل مستمر.
«كل مرة تستحملي التبول وانتي مشغولة؟!».. اعرفي إزاي العادة البسيطة دي ممكن تدمر مثانتك وتسبب مشاكل صحية
لما بتحبسي البول لفترة طويلة المثانة بتمتلي وبتضغط على جدرانها والضغط المستمر ده بيضعف عضلات المثانة بمرور الوقت وكمان بيخليها اقل قدرة على التفريغ الكامل وده ممكن يؤدي لالتهابات متكررة في المسالك البولية.
مخاطر على الكلى والجهاز البولي
حبس البول لفترات طويلة ممكن يخلي البكتيريا تتكاثر في المثانة وده يزيد من خطر التهابات المسالك البولية ولو الالتهاب انتشر للكلى ممكن يسبب مضاعفات خطيرة جدا منها فشل كلوي في الحالات الشديدة.
العلامات التي تنبهك للخطر
لو بدأتي تحسي بأعراض زي حرقان اثناء التبول او الم في اسفل البطن او كثرة الحاجة للتبول حتى بعد فترة قصيرة من دخول الحمام فدي اشارة ان المثانة بدأت تتأثر ولازم تاخدي الموضوع بجدية.
حافظي على النظافة الشخصية لتقليل فرص العدوى.
حبس البول مش عادة بريئة لكنه تصرف ممكن يضر المثانة والكلى على المدى البعيد ويفضل دايما الاستجابة لرغبة جسمك في التبول فور ما تحسي بيها لتجنبي المشاكل الصحية الخطيرة
